Şrift Ölçü:
Print
Türkiyədə beynəlxalq futvoley turniri keçirilib. Kadıköydə yerləşən Kalamış Atatürk Parkındakı çimərlik voleybolu meydançasında təşkil olunan yarışda Azərbaycan idmançıları da iştirak ediblər.
Turnir Gürcüstan və Azərbaycandan sonra ilk dəfə Türkiyədə keçirilib. Yarışda 13 ölkədən 22 komanda iştirak edib. Həm kişilərin, həm də qadınların mübarizəsində Ukrayna futvoleyçiləri çempion olublar.
Mükafatları Azərbaycan FutNet Federasiyasının prezidenti Vüsal Xəlilov, Kadıköy Bələdiyyəsinin sədri Şerdil Dara Odabaşı və digər rəsmilər təqdim ediblər.
Turnirdə ölkəmizlə yanaşı, Türkiyə, Avstriya, Belarus, Ukrayna, İran, Moldova, Litva, Rusiya, Qazaxıstan, İsrail və Pakistandan 57 idmançı çıxış edib. Yarışın növbəti mərhələsi Dubayda keçiriləcək.
