Türkiyədə keçirilən futvolley turniri İdman TV-də

Noyabrın 5-də başlanan beynəlxalq futvoley turnirinə yekun vurulub.

"Qarabağ zəfəri kuboku" adı altında keçirilən yarış 2-ci Qarabağ müharibəsində qazanılan qələbəyə həsr olunub.

Türkiyənin Alanya şəhərində keçiriləcək turnirə maraq böyük olub. Belə ki, Azərbaycanla yanaşı, Braziliya, Almaniya, Ukrayna, Avstriya, Türkiyə, Rusiya, İsrail, Fransa və Niderland futvoleyçiləriləri də mükafatlar uğrunda mübarizə aparıblar.

Turnirin qalibi İsrail millisi olub. Gümüş mükafatları ispaniyalılar, bürünc medalları isə ukraynalılar qazanıblar.

Qeyd edək ki, turnir "Azərbaycan Xalqlar Dostluğu" Dərnəyinin və Azərbaycan FutNet Federasiyasının təşəbbüsü Dünya Futvoley Federasiyasının razılığı və Azərbaycan Respublikasının Diasporla İş üzrə Dövlət Komitəsinin dəstəyi ilə keçirilib. Bildiyiniz kimi, Diasporla İş üzrə Dövlət Komitəsi Zəfər Gününun ildönümü ilə əlaqədar xarici ölkələrdə tədbirlər keçirməklə şanlı qələbəmizi bir daha dünya ictimaiyyətinin diqqətinə çatdırmaq və onlarla qələbə sevincimizi paylaşmaq məqsədi daşıyır.

Azərbaycan Respublikasının Diasporla İş üzrə Dövlət Komitəsi daima idmana və gənclərə xüsusi diqqət ayırır. Məhz budəfəki yarış da bunun sübutudur. Komitə bu cür yarışların davamlı olmasının səbəbi kimi gənclərin futvoleyə olan marağını diqqətə çatdırıb. Azərbaycan FutNet Federasiyasının da öz növbəsində belə beynəlxalq yarışların öhdəsindən həmişə layiqincə gəldiyini nəzərə alsaq, budəfəki yarışın da yüksək peşəkarlıqla keçirildiyinə şübhə yoxdur. Futvoleyə göstərdiyi diqqətilə seçilən qurumlardan biri də Azərbaycan Xalqlar Dostluğu dərnəyidir. Hər zaman idmana, xüsusilə də futvolleyə diqqət ayıran Azərbaycanın Türkiyədəki diaspora təşkilatı Xalqlar Dostluğu dərnəyi ötən yarışda olduğu kimi, bu dəfə də federasiyamızın yanındadır. Daima bizə dəstəyini əsirgəməyən bu dərnək "Qarabağ zəfəri kuboku" yarışında da bizi dəstəkləyir.

Bundan başqa bizə göstərdiyi diqqət və dəstəyə görə Azərbaycan Respublikasının Diasporla İş üzrə Dövlət Komitəsinin Alanyadakı təşkilatının rəhbəri Lalə Həsənovaya dərin minnətdarlığımızı bildiririk.