Şrift Ölçü:
Print
Azərbaycan Futnet Federasiyasının və “ASAN Könülləri” Gənclər Təşkilatı İctimai Birliyinin təşkilatçılığı ilə futtennis və teqbal üzrə gənclər gününə həsr edilmiş turnir keçirilib.
İlk gün futtennis üzrə 8 komandanın iştirak etdiyi yarış "Marafon" İdman Klubunda baş tutub.
Olimpiya sistemi üzrə təşkil edilən turnirdə iştirak edən klublar 44 günlük Haqq savaşında işğaldan azad edilən rayonlarımızın adı ilə mübarizə aparıb.
Futtennisçilərin oyununda 3-cü yeri "Fizuli" kollektivi tutub.
Yarışın finalında üz-üzə gələn "Cəbrayıl" və "Şuşa"nın çəkişməsində ikincilər daha güclü olub. "Şuşa"lı futtennisçilər rəqiblərinə 2-1 hesabı ilə qalib gələrək gənclər gününə həsr edilən turnirin qalibi adını qazanıb.
