Azərbaycan Futnet Federasiyası 2021-ci idman ilinin yekunlarına dair hesabat konfransını keçirib.
Bugün Bakıda “Piano” oteldə baş tutan tədbirdə öncə federasiya prezidenti Vüsal Xəlilov çıxış edərək konfransın nəyə həsr olunacağı ilə bağlı məlumat verərək görülən işlərdən, gələcək planlardan danışıb.
Ötən il Dünya Futvole Federasiyasının prezidenti seçilən Xəlilov bu istiqamətdə çox çalışmalı olduqlarını da bildirib. Daha sonra AFNF-in baş katibi Əfqan Həmzəyev arxada qalan 2021-ci ilə dair geniş hesabatı məruzə edib. Baş katib Futnet Federasiyasının və beynəlxalq qurum olan və yeni təsis edilən Dünya Futvole Federasiyasının işini işıqlandıran mətbuat nümayəndələrinə də təşəkkür edib.
Konfransda çıxış edən Azərbaycan Respublikası Gənclər və İdman Nazirliyinin rəsmisi Aydın Məmmədov AFNF-in işini yüksək qiymətləndirib və ölkəmizdə futtennis və futvole idman növlərinin inkişafına böyük töhfə verdiyini qeyd edib.
Hesabat konfransında federasiyasının 2021-ci ildə futtennis və futvole idman növləri üzrə Azərbaycanda və beynəlxalq arenada gördüyü işlərlə bağlı ayrıca hesabatı təqdim edilməklə yanaşı, bu il üçün yuxarıda sadalanan idman növləri və yeni təsis edilən teqbal üzrə yarışların qrafiki və tədbirlərin vaxtları açıqlanıb. Tədbirdə həmçinin, futtenis və futvole üzrə Azərbaycan millisinin beynəlxalq yarışlardakı çıxışları da dəyərləndirilib.
İlin yekununda fərqli idman növləri(futtennis, futvole və teqbal) üzrə müxtəlif nominasiyaların qalibləri də məlum olub. Qaliblərə AFNF-in sertifikatları və hədiyyələr, hesabat konfransda iştirak edən mətbuat nümayəndələrinə isə hədiyyələr təqdim edilib. Mükafatlandırma mərasimindən sonra təşkil edilən mətbuat konfransında federasiyanın baş katibi Əfqan Həmzəyev mətbuat nümayənlərinin suallarını cavablandırıb.
Beləliklə Azərbaycan Futnet Federasiyasının ilik yekunlarına həsr etdiyi konfransda aşağıdakı nominasiyalar üzrə qaliblər müəyyənləşib.
Futvole
Ən yaxşı məşqçi - Elvin Quliyev
Ən yaxşı komanda - "Ağdam"
Ən perspektivli gənc - Nurlan Mehdizadə
Ən əzmkar oyunçu - Orxan Məmmədov
Ən yaxşı oyunçu - Fəyar Hüseynov
Futtennis
Ən yaxşı məşqçi - Əhməd İbrahimov
Ən yaxşı komanda - ASTA
Ən təcrübəli oyunçu - Anar Həsənov
Ən yaxşı oyunçu - Elxan Cəbrayılov
Teqbal
Ən yaxşı məşqçi - Yadigar Həmidov
Ən yaxşı komanda - "Marafon"
Ən yaxşı oyunçu - Orxan Əliyev
Federasiyaya texniki və təşkilati dəstək göstərən - Rövşən Bağırov və Emil Məmmədov
Ən aktiv könüllülər - Kənan Mirzəyev və Əhməd Məmmədov
Ən təcrübəli oyunçu - Namiq İsgəndərov
Ən yaxşı - Tərlan Məstiyev
Ən gənc hakim - Mətin Həmzəyev
Ən aktiv region - İmişli
